لكون الرحيب

لو بيوجد كلمه اكبر مـن حبيبـــــــــي
كان ناديتـك بهـا بيـن البناتـــــــــــــــي

فانت محبوبي بهالكـون الرحيبــــــــي
وانت كـــل الحــب فـــي دنيــا حياتـي

وانت عذروبي ومنقـودي وعيبــــــــي
دام حبك عيب ياوافـي الصفاتـــــــي

وانت مثل الكرم لاحـوّل زبيبـــــــــــي
وانت سيد اهل البراقـع والعباتـــــــي

وانت طعم الشهد والشافي الطبيبي
ياحبيبـي ياوليـفـي ياشفـاتـــــــــــي


ليت بيتك حولنـا وانّـك قريبــــــــــي
ليتني لك جار واسعد يامنـــــــاتــــــي

وليت صوتك نسمعه حـتى نجيـــــبـي
لاسمعته بـتّ فـي نـومٍ ســــــــباتـي

في ظلام الليـل نـورك مايغيبـــــــــي
مثل نجم سهيل واضـح للهداتـــــــي

شفت سهم الموت من عينك صويبي
مايجي بعـد الحيـاة إلاّ الوفــــــــــاتـي

بعدكم ياهــاجري عنّأ صعيبـــــــــــــــي
لــو تغيـــب اسبـــوع عاجلني مماتـــي

الله أكبر لــو بتكتــب مــن نصيــبـــــــي
لاكتب اللـي املكه باسمـك في وصـاتـي

لــو سمحــت تكــون حــولي لاتغيبـــــي
لاتطوّل فـــي غيـــابك يـــاهنــــاتــــــــي

أشهــد انّك كــاملٍ مــن غيـــر عيبـــــــي
أحمــد اللـــي كمّلـــك باحلـى الصـفاتي

لاتبسّم قلت لـــه يـــاطــــرّ جيبــــــــــــي
والشّــفــايف خلفـــها سكّــر نـــبـــــاتـــي

آه لــو تــدري اش جـــرى لابــــو غــريـبي
تـــاه فـــي بحـــر العيـــون النــاعســاتـي

حـــالتــه صعبــه مــن الفرقـــا كــئيــبـــي
هــاجســـه لا ثــــار مثـــل الراجــمــاتــي

ضمّ وقتك قبل يغزيـــــك المــــشيــبـــي
عمرك اللي راح لا ماعـــــــاد يــــــــاتــــي

لان سيف الـــوقت للـــفاضــي حــريـبـي
كل عمر مـرّ يالمـــــحبـــــوب فـــــــاتــــي


يــانســيم أبهـــا عبيـــرك نفـــح طـــيـــبـــي
بلّـــغ المحــبـــوب شــوقــي وامنيــــاتـــــي


صالح أبو غريـــــب .



--------------------------------------------------------------------------------